4 сынып оқушылары Pirls халықаралық зерттеуіне қатысты (аппробация)

Қазақстан PIRLS-2019 (Progress in international Reading Literacy Study) мәтінді оқу және түсіну сапасын зерттейтін халықаралық зерттеуіне қатысып отыр. Зерттеу кезеңмен, бес жылда бір рет жүргізіледі. Бірінші жоба сонау 2001 жылы басталды. Өздеріңіз білетіндей, оқудың төртінші жылы бастауыш класс оқушыларының дамуындағы маңызды кезең болып саналады. Бастауыш сыныпта оқу құзыреті деңгейінің жоғары болуы – негізгі мектепте табысты оқудың кепілі. Сондықтан төртінші сынып оқушыларының оқу дағдыларының 4 тобы бағаланады. Бұл: -    басты ойды анықтау, қолданылу уақыты мен орны, -    қорытындыны тұжырымдау, -    жауапты негіздеу, -    ақпаратты салыстыру. Жобаны ІЕА оқу жетістігін бағалау жөніндегі халықаралық қауымдастық үйлестіреді. Штаб-квартирасы Амстердамда (Нидерланды) орналасқан. Аталған зерттеуде барлығы әлемнің 50 елінен 250 000 бастауыш  класс оқушылары қатысады.